«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Եվրամիությունը նոր ռազմավարություն է ներկայացրել, որի համաձայն՝ Եվրահանձնաժողովը կորոնավիրուսի դեմ մշակվող հավանական պատվաստանյութի խոշորածավալ գնումներ կկատարի ԵՄ բոլոր երկրների համար:</p> <p>Ինչպես փոխանցում է&nbsp;<a href="https://edition.cnn.com/world/live-news/coronavirus-pandemic-06-17-20-intl/index.html" rel="nofollow" target="_blank">CNN</a>-ը, պատվաստանյութի ստեղծումն արագացնելու նպատակով Եվրահանձնաժողովը նախնական գումար կտրամադրի արտադրողներին՝ փոխարենը ֆիքսված գնով որոշակի քանակությամբ դեղամիջոց գնելու իրավունք ձեռք բերելով:</p> <p>Հանձնաժողովից կարծում են, որ համընդհանուր մոտեցումը մի շարք առավելություններ կստեղծի ինչպես ԵՄ երկրների, այնպես էլ արտադրողների համար:</p> <p>Նախագիծը ֆինանսավորելու համար Եվրահանձնաժողովն առաջարկում է օգտվել 2.7 մլրդ եվրոյի ծավալով նոր հիմնադրամից:&nbsp;</p> <p>Հիշեցնենք, որ օրեր առաջ հաղորդվում էր, որ Ֆրանսիան, Գերմանիան, Իտալիան և Նիդերլանդները յուրատեսակ դաշինք են ստեղծել և մտադիր են 400 մլն չափաբաժին ձեռք բերել Օքսֆորդի համալսարանի և AstraZeneca դեղագործական ընկերության ստեղծած պատվաստանյութից:</p> <p>&nbsp;</p> <p>Աղբյուրը` Tert.am</p> <p>Կայքը` Generalnews.am</p>