Ձիթապտղի յուղը Ալցհեյմերի հիվանդության դեմ
Ձիթապտղի յուղը նվազեցնում է Ալցհեյմերի ախտանիշները։
Ձիթապտղի յուղը ուժեղացնում է իբուպրոֆենի հակաբորբոքային ազդեցությունը։ Նրա օգտակար հատկությունները սրանով չեն սահմանափակվում։ Annals of Clinical and Translational Neurology-ում հրապարակված հոդվածում Temple University-ի հետազոտողները գրում են, որ բնական ձիթապտղի յուղը (ավելի ճիշտ՝ էքստրա կուսական ձիթապտղի յուղ կոչվող բազմազանությունը) օգնում է Ալցհեյմերի համախտանիշի դեմ պայքարելուն։ Այն ոչ միայն ճնշում է հիվանդության մոլեկուլային-բջջային դրսևորումները, այլ նաև բարելավում է ճանաչողական գործառույթները: Ճիշտ է, փորձերը մինչ այժմ արվել են միայն մկների վրա. կենդանիներին, որոնք գենետիկորեն հակված են եղել Ալցհեյմերի նման խանգարմանը, մի քանի ամիս շարունակ կերակուր են տվել էքստրա կուսական ձիթապտղի յուղով: Չնայած հիվանդության ախտանիշները դեռ սկսել են ի հայտ գալ, սակայն դրանք ավելի մեղմ են եղել, քան նրանց մոտ, ովքեր չեն ստացել յուղը։ Ձիթապտղի յուղով սնված մկները ավելի լավ հիշողություն ու սովորելու ունակություն ունեին, ինչպես նաև ուղեղում ավելի քիչ պաթոգեն սպիտակուցային կուտակումներ ունեին, որոնք բնորոշ են Ալցհեյմերի հիվանդությանը, ուստի նեյրոններն ու նյարդային շղթաները կարող էին ինչ-որ կերպ ապրել և աշխատել:
Գիտնականները ձիթապտղի յուղով պատահական չեն զբաղվել. հայտնի է, որ Միջերկրական ծովի բնակիչները, որոնց սննդակարգում այն բավականին շատ է, ավելի քիչ են տառապում բորբոքման հետ կապված հիվանդություններից, և հենց այդպիսին են Ալցհեյմերի, Պարկինսոնի և այլնի նեյրոդեգեներատիվ սինդրոմները: Սակայն, ըստ աշխատանքի հեղինակների, խոսքը միայն ձիթապտղի յուղի հակաբորբոքային հատկությունների մասին չէ. Բացի այդ, այն նաև օգնեց նեյրոններին մաքրվել տարբեր մոլեկուլային մնացորդներից, այդ թվում՝ հենց Ալցհեյմերի սպիտակուցներից: Ու թեև յուղը չի բուժում Ալցհեյմերի հիվանդությունը, այնուամենայնիվ, բավարար է գոնե այն, որ այն դանդաղեցնում է։
Թարգմանությունը՝ Միսաք Տիգրանյան
