Գեղարքունիքի մարզում կորոնավիրուսի դեմ պատվաստվել է 3444 քաղաքացի
03/06/2021
Գեղարքունիքի մարզպետ Գնել Սանոսյանը եւ մարզպետարանի մի շարք աշխատակիցներ Գավառի պոլիկլինիկայում ստացան Կորոնավիրուսի դեմ պատվաստման երկրորդ չափաբաժինը:
Գեղարքունիքի մարզպետարանի առողջապահության և սոցիալական ապահովության վարչությունից հայտնում են, որ պատվաստումների գործընթացը մարզում ընթանում է բնականոն հունով:
Հունիսի 2-ի դրությամբ մարզում պատվաստվել է 3444 քաղաքացի: Դրանցից 1483-ը պատվաստվել են «Աստրա Զենեկա»,1497 քաղաքացի՝ «Սպուտնիկ V», իսկ 464-ը՝ «Կորոնավակ» պատվաստանյութով:
Բոլոր պատվաստված քաղաքացիների ինքնազգացողությունը բավարար է:
