ԿՀՎ ղեկավարը նախազգուշացրել է մինչև տարեվերջ Ուկրաինայի պարտության ռիսկի մասին.
Ուկրաինան կարող է պարտություն կրել Ռուսաստանի հետ պատերազմում արդեն 2024 թվականի վերջին, եթե ԱՄՆ Կոնգրեսը համաձայնության չգա ռազմական օգնության նոր փաթեթի շուրջ, ասել է ԿՀՎ տնօրեն Ուիլյամ Բերնսը։ «Կա շատ իրական վտանգ, որ ուկրաինացիները կարող են պարտություն կրել մարտի դաշտում մինչև 2024 թվականի վերջը, կամ գոնե Պուտինին դնել այնպիսի դիրքում, որտեղ նա կարող է մեծապես թելադրել քաղաքական կարգավորման պայմանները», - ասել է Բերնսը նախագահական ելույթում: Գրում է «Европейская правда»-ն, մեջբերում Է Politico պարբերականը։
Ելույթ ունենալով Ջորջ Բուշի նախագահական կենտրոնում կայացած միջոցառման ժամանակ՝ Բերնսը կոչ է արել Կոնգրեսին ընդունել լրացուցիչ օրինագիծ, որը միլիարդներ կհատկացնի Ուկրաինային ռազմական աջակցության համար:
Պարբերականն ընդգծում է, որ Բերնսի խոսքերը, թերևս, ամենաուժեղ նախազգուշացումն են Ուկրաինայում պատերազմի վերաբերյալ ԱՄՆ վարչակազմի բարձրաստիճան ներկայացուցչի կողմից: Այն հնչել է այն ժամանակ, երբ Կիևում պաշտոնյաները նախազգուշացնում են, որ ամռանը Ռուսաստանի հարձակողական գործողությունը կարող է հանգեցնել ռուսական զորքերի հսկայական հոսքերի Ուկրաինա մուտք գործելուն:
Թարգմանությունը՝ generalnews.am
