Մեծ Բրիտանիայի թագուհին և իր ամուսինը պատվաստվել են կորոնավիրուսի դեմ
09/01/2021
Մեծ Բրիտանիայի միապետները՝ Եղիսաբեթ Երկրորդ թագուհին և իր ամուսինը՝ արքայազն Ֆիլիպը, պատվաստվել են: Այս մասին տեղեկանում ենք Բուքինգհեմյան պալատից:
Թագավորական ընտանիքի անդամներն իրենց պատվաստանյութը ստացել են այսօր Վինձորի ամրոցում, որտեղ էլ ինքնամեկուսացել էին կորոնավիրուսի համավարակն սկսելուց ի վեր:
94-ամյա թագուհին և 99-ամյա Էդինբուրգի դուքսը գտնվում են ռիսկային խմբում, հետևաբար՝ Միացյալ Թագավորությունում պատվաստման առաջնահերթությունը նրանց է տրվել:
Հեղինակ`Մարի Կոստանյան
