Երեքշաբթի, Սեպտեմբերի 22, 2020 Հետադարձ կապ

"ԶՈՐԱՎԱՐ ՍԵՊՈՒՀ" ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Գլխավոր  Ուղեղում չիփ կրող խոզերի ցուցադրություն Էլոն Մասքի կողմից (տեսանյութ)

Ուղեղում չիփ կրող խոզերի ցուցադրություն Էլոն Մասքի կողմից (տեսանյութ)

29/08/2020 148

Միլիարդատեր Էլոն Մասքի ‘’Նեուրալինք’’ ընկերությունը ցուցադրել է երեք խոզերի, որոնց ուղեղում երկու ամիս տեղադրված է եղել մետաղադրամի չափսի համակարգչային չիփ: Սա մի միջոց է, որը ըստ որոշ մասնագետների, կարող է ապագայում կիրառվել, որպեսզի նյարդաբանական խնդիրներ ունեցող անձինք կարողանան իրենց ուղեղի միջոցով կառավարել հեռախոսը կամ համակարգիչը:

Ուրբաթ օրը ցուցադրված երեք խոզերից Գերթրուդ անունը կրող խոզին շարժվելու համար պահանջվել է ժամանակ: Ուտելու եւ ծղոտը հոտոտելու պահին ուղեղի գործունեությունը ցուցադրվել է գծապատկերով, որից հետո խոզը հիմնականում անտեսել է իր շուրջը գտնվող ամբողջ ուշադրությունը:

‘’Նեուրոլինք’’-ը մտադիր է հազարավոր էլեկտրոդներ պարունակող ուղեղ-համակարգիչ տիպի չիփերի միջոցով մարդկանց օգնել բուժել այնպիսի նյարդաբանական հիվանդություններ, ինչպես ալցհայմեր, դիմենցիա հիվանդություններն ու ողնաշարի վնասվածքները: Վերջնական նպատակը մարդկությանն արհեստական բանականությանը միացնելն է:

‘’Նեուրալինք’’-ն այս ծրագրի համար ստացել է 158 միլիոն դոլարի ֆինանսավորում, որից 100 միլիոնը հատկացրել է Մասքը: Ծրագրի վրա աշխատում է հարյուր մարդ: Հուլիս ամսին Մասքը հույս էր հայտնել, որ ընկերությունը կստանա մարդկանց վրա փորձարկումներ անցկացնելու իրավունք:

Առողջության հարցերից զատ, Մասքը, որը հաճախ է նախազգուշացնում արհեստական բանականության վտանգների մասին, կարծում է, որ այս իմպլանտային միջոցը ‘’կապահովի մարդկության ապագան որպես արհեստական բանականությանը մոտ կանգնած քաղաքակրթություն’’:

Հատուկ ռոբոտների միջոցով մարդկային մազի հաստության լարեր են տեղադրվում մարդու ուղեղի այն հատվածում, որը պատասխանատու է շարժումների եւ զգայական գործողությունների համար: Սարքը, որը տեղադրվում է տեղային թմրեցման պայմաններում, շարժական է, այսինքն կարելի է նորից այն հանել:

Լսողության կորուսը եւ պարկինսոնյան հիվանդությունը բուժելու նպատակով էլեկտրոնային եղանակով նյարդերի եւ ուղեղի գործունեության վրա ազդող փոքր սարքեր մարդկանց ուղեղներում տեղադրում են արդեն մի քանի տասնամյակ:

Նյարդաբանները ուղեղի իմպլատների փորձարկումներ կատարել են փոքր թվով մարդկանց վրա, ովքեր ողնաշարային վնասվածքների կամ նյարդաբանական պատճառներով, ինչպես օրինակ կաթվածահարության արդյունքում կորցրել են իրենց մարմնի կառավարման հատկությունը: Այս փորձարկումներին մասնակցած անձինք կարողացել են կառավարել իրենց արհեստական վերջույթները կամ այլ առարկաներ, ինչպես օրինակ համակարգչի ստեղնաշարը կամ մկնիկը:

Մասքը հայտարարում է, որ գլխավոր նպատակը մարդկային ցեղը ոչնչացնելու կարողություն ունեցող արհեստական բանականության դեմ պայքարելու հնարավորություն ստեղծելն է: