«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

ՄԱԿ ԱԽ եվրոպական անդամները չեն կարծում, որ ՀՀԳԾ շրջանակում Իրանի կողմից իր պարտավորությունները չկատարելուց գանգատվող ԱՄՆ-ն գործարկել է այդ երկրի դեմ  պատժամիջոցների վերականգնման մեխանիզմը, «ՌԻԱ Նովոստի»-ին ասել է եվրոպական առաքելություններից մեկում աղբյուրը։

Հինգշաբթի ԱՄՆ պետքարտուղար Մայք Պոմպեոն ԱԽ բողոք էր ներկայացրել Իրանի կողմից ՀՀԳԾ դրույթները չկատարելու մասին՝ 2231 բանաձեւի շրջանակում հակաիրանական պատժամիջոցների վերականգնման ընթացակարգը գործարկելու համար, որն ամրագրել էր ՀՀԳԾ ստեղծումը։ Ընդ որում՝ ԱՄՆ-ն ՀՀԳԾ-ից դուրս է եկել 2018 թվականին։ Գործարքի մնացած անդամները (Ռուսաստան, Ֆրանսիա, Մեծ Բրիտանիա, Գերմանիա եւ Չինաստան) կարծում են, որ Նահանգները հիմա իրավունք չունի գործարկելու Իրանի դեմ պատժամիջոցների վերականգնման մեխանիզմը։ Թեհրանը նույն կարծիքին է։ ԵՄ դիվանագիտության ղեկավար Ժեզեպ Բորելը ունի նույնպիսի դիրքորոշում։

Մինչդեռ ԱՄՆ-ն կարծում է, որ պատժամիջոցների վերականգնումը գործարկելու լիակատար իրավունք ունի, քանի որ, չնայած ՀՀԳԾ-ից դուրս գալուն, հիշատակված է 2231 բանաձեւում։ Վաշինգտոնի կարծիքով՝ գործընթացը գործարկված է, եւ օգոստոսի 20-ից սկսած 30 օր հետո պատժամիջոցները կվերականգնվեն։

«ՄԱԿ ԱԽ եվրոպական ուժերը չեն կարծում, որ Իրանի դեմ պատժամիջոցների վերականգնման մեխանիզմը օգոստոսի 20-ից գործարկված է, քանի որ ԱՄՆ-ն ՀՀԳԾ-ից դուրս է եկել։ Այսպիսով՝ իրավունք չունի նախաձեռնելու սահմանափակող միջոցառումների վերականգնում»,- ասել է գործակալության զրուցակիցը։