«Իմ քայլի» անունից տարածված հայտարարությունը նույնիսկ չեն քննարկել խմբակցության ֆեյսբուքյան «չատում». «Հրապարակ»
13/11/2020
«Հրապարակ» թերթը գրում է. «Երեկ «Իմ քայլի» անունից տարածված հայտարարությունը, մեր տեղեկություններով, նույնիսկ չեն քննարկել խմբակցության ֆեյսբուքյան «չատում»։ Երեկ մի քանի պատգամավոր հայտարարեցին, թե տեղյակ չեն եղել հայտարարության բովանդակությանը։ «Մեզ անգամ հարկ չեն համարել զգուշացնել, որ նման բան են անում, տարածել են, հետո զգուշացրել»,- պատմեց մեր աղբյուրը:
Հիշեցնենք, որ այդ՝ 88 պատգամավորների անունից տարածած հայտարարությամբ ոչ միայն աջակցություն են հայտնում Փաշինյանին, այլև ընդդիմությանը հորդորում, թե՝ «պարտավոր են» բողոքի ակցիաներ անելուն զուգահեռ «նաև ներկայացնել առաջարկվող վերսկսվելիք պատերազմում հաղթանակի հասնելու ճանապարհային քարտեզը»։
