Վիեննան թույլ չի տա, որ ՌԴ-ի դեմ ԵՄ պատժամիջոցները շրջանցվեն. Ավստրիայի կանցլեր
09/04/2022
Եվրամիությունը կխստացնի Ռուսաստանի դեմ պատժամիջոցները, քանի դեռ նա չի դադարեցրել Ուկրաինայում ռազմական գործողությունը։ Այս մասին Ուկրաինայի նախագահ Վոլոդիմիր Զելենսկիի հետ Կիևում կայացած բանակցություններից հետո ասել է Ավստրիայի կանցլեր Կարլ Նեհամերը։
Նա հայտնել է, որ պատժամիջոցների նոր փաթեթ են ընդունել, և ընդգծել, որ այն չի լինի վերջինը:
Նեհամերը վստահեցրել է, որ Ավստրիան կաջակցի Ուկրաինային, և ասել է, որ Վիեննան թույլ չի տա, որ Ռուսաստանի դեմ Եվրամիության պատժամիջոցները շրջանցվեն։