«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;">Վերջին օրերին հայ-ադրբեջանական սահմանին Ադրբեջանի կողմից ռազմական գործողությունների, խաղաղ բնակավայրերի հրետակոծման եւ լարվածության հրահրման առիթով հուլիսի 16-ին Եկեղեցիների Համաշխարհային Խորհրդի (ԵՀԽ) գործող գլխավոր քարտուղար Հայր Իոան Սաուկան հանդես է եկել հայտարարությամբ։</p> <p style="text-align: justify;"><strong>&nbsp;</strong>Հայտարարության մեջ, մասնավորապես, ասվում է.</p> <p style="text-align: justify;">&laquo;Եկեղեցիների Համաշխարհային Խորհուրդը հորդորում է շտապ դադարեցնել հայ-ադրբեջանական սահմանին հակամարտության սրացումը, որը կիրակի՝ հուլիսի 12-ից խլեց առնվազն 16 մարդու կյանք եւ հանգեցրեց ապակայունացման՝ սպառնալով վերաճելու լայնամասշտաբ հակամարտության։</p> <p style="text-align: justify;">ԵՀԽ-ն խորապես անհանգստացած է առկա զեկույցներով, որոնց համաձայն փոխադարձ հրետակոծությունների հետեւանքով քաղաքացիական անձեր են տուժել եւ քաղաքացիական կարեւոր ենթակառուցվածքներ, ներառյալ կորոնավիրուսի համավարակի դեմ անձնական պաշտպանիչ միջոցներ արտադրող Հայաստանի Տավուշի մարզի գործարանը։</p> <p style="text-align: justify;">Մասնավորապես նոր կորոնավիրուսի համավարակի այս իրավիճակում, որը ներազդել է նաեւ Հայաստանի ու Ադրբեջանի վրա, ԵՀԽ-ն հորդորում է երկու կողմերին՝ հետեւելու ՄԱԿ-ի գլխավոր քարտուղարի&nbsp; համընդհանուր հրադադարի կոչին՝ հնարավորություն տալով անհրաժեշտ բոլոր միջոցները տրամադրելու համավարակի դեմ պայքարին։ Մինչ Հայաստանը պատրաստակամություն է հայտնել հետեւելու համընդհանուր հրադադարին, ԵՀԽ-ն ցավով արձանագրում է, որ Ադրբեջանը չի հետեւում դրան&raquo;, - ասված է հայտարարության մեջ։</p> <p style="text-align: justify;">ԵՀԽ գործող գլխավոր քարտուղարը նաեւ անդրադարձել է ԵԱՀԿ միջնորդական առաքելությանը եւ ԵԱՀԿ Մինսկի խմբի համանախագահների ջանքերին՝ կոչ ուղղելով կողմերին՝&nbsp; վերսկսելու դիվանագիտական ջանքեր գործադրել՝ երկու ժողովուրդների միջեւ հակամարտությունը հանգուցալուծելու նպատակով։</p> <p style="text-align: justify;">Հայաստանյայց Առաքելական Սուրբ Եկեղեցին եւ Մայր Աթոռ Սուրբ Էջմիածինը 1962 թվականից անդամակցում է աշխարհի ամենամեծ համաքրիստոնեական այս կազմակերպությանը՝ 350 անդամ Եկեղեցիներով եւ ավելի քան 500 միլիոն քրիստոնյաներով։</p> <p style="text-align: justify;">Հայաստանյայց Առաքելական Սուրբ Եկեղեցին իր մշտական ներկայացուցիչներն ունի կազմակերպության ղեկավար մարմիններում՝ Կենտրոնական եւ Գործադիր հանձնախմբերում, Աստվածաբանական կարեւորագույն՝ &laquo;Հավատ եւ Կարգ&raquo; հանձնախմբում, Կրթության եւ էկումենիկ դաստիարակության, Ավետարանության եւ քարոզչության, Միջկրոնական երկխոսության եւ այլ հանձնախմբերում&raquo;։</p> <p style="text-align: justify;">&nbsp;</p> <p style="text-align: right;"><em>Աղբյուր` Artsakhpress<button aria-hidden="true" aria-label="React" data-hover="tooltip" data-tooltip-alignh="center" data-tooltip-content="React" data-tooltip-position="above" tabindex="-1"></button></em></p>