ԱՄՆ պետքարտուղարը Ուկրաինայի ԱԳ նախարարի հետ զրույցում վերահաստատել է իրենց աջակցությունը
12/02/2022
Միացյալ Նահանգների պետքարտուղար Էնթոնի Բլինկենը փետրվարի 11-ին հեռախոսազրույց է ունեցել Ուկրաինայի արտաքին գործերի նախարար Դմիտրի Կուլեբայի հետ: Այս մասին հայտնել է պետդեպի մամուլի ծառայությունը:
Հեռախոսազրույցի ընթացքում Բլինկենը վերահաստատել է ԱՄՆ աջակցությունը Ուկրաինային: «Պետքարտուղարն ընդգծել է, որ Ուկրաինայի դեմ Ռուսաստանի ցանկացած ագրեսիա կհանգեցնի արագ, լուրջ և դաշնակիցների հետ համատեղ պատասխան գործողությունների»,- նշվում է հայտարարության մեջ:
Բլինկենը տեղեկացրել է ուկրաինացի գործընկերոջը «գլոբալ ջանքերի մասին՝ ուղղված լարվածության թուլացմանը»:
