Ռուսաստանը չի պատրաստվում հարվածել Բաքվի նավթահորերին. Պեսկովը հերքել է պատգամավորի հայտարարությունը
29/03/2022
«Արդար Ռուսաստան» խմբակցության պատգամավոր Միխայիլ Դելյագինի հայտարարությունն առ այն, որ ՌԴ-ն պետք է հարվածներ հասցնի Ադրբեջանի նավթային արդյունաբերությանը՝ Լեռնային Ղարաբաղում երկրորդ ճակատ բացելու փորձերի համար, չի համապատասխանում պաշտոնական Մոսկվայի տեսակետին։ Այս մասին ՏԱՍՍ-ի փոխանցմամբ ասել է Վլադիմիր Պուտինի մամուլի քարտուղար Դմիտրի Պեսկովը։
Հիշեցնենք, որ Միխայիլ Դելյագինը "Россия 24"-ի եթերում հայտարարել էր, որ Ադրբեջանը, լինելով թուրքական պրոքսի ու քվազի պետություն, Արևմուտքի պահանջով Լեռնային Ղարաբաղում երկրորդ ճակատ է փորձում բացել Ռուսաստանի համար։ Նա հայտարարել էր, որ ռուսական պատասխանը պետք է լինի խիստ ու հստակ։ «Իսկ ու՞մ է պետք ադրբեջանական նավթարդյունաբերությունը», - հռետորական հարցադրում էր արել պատգամավորը։
