Կուլեբան Չինաստանին կոչ է արել ազդել Ռուսաստանի վրա
01/03/2022
Ուկրաինայի արտաքին գործերի նախարար Դմիտրի Կուլեբան հեռախոսազրույց է ունեցել Չինաստանի Ժողովրդական Հանրապետության արտաքին գործերի նախարար Վան Իի հետ, ով վստահեցրել է, որ Չինաստան գործադրելու է բոլոր ջանքերը՝ դիվանագիտական ճանապարհով ուկրաինական հողում պատերազմը դադարեցնելու համար։ Այս մասին հայտնում է Ուկրաինայի արտաքին գործերի նախարարության մամուլի ծառայությունը, փոխանցում է ՈՒՆԻԱՆ-ը։
Կուլեբան խնդրել է Վան Իին օգտագործել Պեկինի և Մոսկվայի հարաբերությունների մակարդակը՝ ստիպելու Ռուսաստանին դադարեցնել զինված ագրեսիան ուկրաինացի ժողովրդի դեմ։
Չինացի նախարարը վերահաստատել է Չինաստանի աջակցությունը Ուկրաինայի ինքնիշխանությանն ու տարածքային ամբողջականությանը և նշել երկկողմ հարաբերությունների ռազմավարական բնույթը։