Զելենսկին ելույթ է ունենում Եվրախորհրդարանում
Ուկրաինայի նախագահ Վլադիմիր Զելենսկին երեքշաբթի՝ մարտի 1-ին, ելույթ է ունենում Եվրախորհրդարանում։
Եվրախորհրդարանը ոտքի է կանգնել և ծափերով ողջունել Զելենսկու ելույթը։
Եվրախորհրդարանի նախագահ Ռոբերտա Մեցոլան ասել է, որ Եվրախորհրդարանը ճանաչում է Ուկրաինայի եվրոպական հեռանկարը։
«Մենք ճանաչում ենք Ուկրաինայի եվրոպական հեռանկարը: Մենք ողջունում ենք, պարո՛ն նախագահ, Ուկրաինայի դիմումը թեկնածուի կարգավիճակ ստանալու համար և կաշխատենք հասնել այդ նպատակին: Մենք պետք է միասին նայենք ապագային», – ասել է նա:
Դիմելով Զելենսկուն՝ նա վստահեցրել է, որ ԵԽ-ն «աջակցում է ձեզ մեր պատմության այս մութ պահին գոյատևման պայքարում»։
«Երբ նայեք Եվրախորհրդարանին, դուք կգտնեք դաշնակից, Եվրոպայի և աշխարհի հետ խոսելու տարածք և մի՛շտ, մի՛շտ ընկեր», – ասել է Մեցոլան:
