Ֆուտբոլիստը լքել է ակումբը` մորուքը սափրելու խնդրանքի պատճառով
29/01/2022
Հայտնի է դարձել, թե ինչու է «Լիոնի» կիսապաշտպան Նաբիլ Ֆեկիրը լքել ակումբը 2019թվականին:
Ինչպես հայտնում է A Bola-ն, ֆրանսիական ակումբը խաղացողին խնդրել է սափրել մորուքը՝ իսլամի հետ ասոցացվելուց խուսափելու համար: Նշվում է, որ Ֆեկիրն Իսլամ է դավանում:
Խաղացողը հիասթափվել է նման խնդրանքից, ինչից հետո որոշել է լքել ակումբը։
Հիշեցնենք, որ այս մրցաշրջանում աշխարհի գործող չեմպիոնը պաշտպանում է անդալուզյան «Բետիսի» գույները, որը Իսպանիայի առաջնությունում 22 խաղից հետո զբաղեցնում է մրցաշարային աղյուսակի երրորդ հորիզոնականը՝ իր ակտիվում ունենալով 40 միավոր։
Ֆեկիրը խաղադաշտում անցկացրել է 20 խաղ՝ դառնալով չորս գոլի և 6 գոլային փոխանցման հեղինակ։