«Մենք չենք ուզում վիզներս ծուռ ապրել»․ ԲՀԿ քարտուղար Արման Աբովյան
«Մենք չենք ուզում վիզներս ծուռ ապրել։ Արյունով գծված սահմանները, մեր հայրենիքը, որը մեր հայրերի, պապերի արյունով հետ բերվեց, հանձնեց այսօրվա իշխանությունը։ Խաբում են, սպառնում են, փորձում են պառակտել ժողովրդին»,– հայտարարել է ԲԿՀ քարտուղար Արման Աբովյանը՝ հազարավոր ցուցարարների հետ միասին կառավարության շենքի մոտ գնալու ճանապարհին։
Լրագրողների հետ զրուցելիս հայտնել է, որ կապ է հաստատել ԲՀԿ ղեկավար Գագիկ Ծառուկյանի փաստաբանի հետ, որը փոխանցել է, որ այս պահին ԱԱԾ–ում Ծառուկյանը հարցաքննվում է, այլ մանրամասների չի հաղորդել։ Նա նաև զերծ է մնացել Ծառուկյանի և նախագահ Արմեն Սարգսյանի հանդիպման մասին իր կարծիքը հայտնել՝ նշելով, որ չի ցանկանում տրվել էմոցիաների, քանի որ իրենց կուսակցության համար սկզբունքային խնդիր է սթափ գնահատել իրավիճակը։
Աբովյանը ընդգծել է, որ գործող իշխանությունը, սադրիչներ ուղարկելով, փորձում է ցուցարարներին սթափությունից հանել․ Արման Աբովյանի պնդմամբ՝ նրանք կամ զուգահեռ Հայաստանում են ապրում, չեն հասկանում, թե ինչ է կատարվում, կամ ադեկվատությունից դուրս են եկել։
