Զելենսկին ուներ իր սցենարը.
Ուկրաինայի պաշտպանության նախարար Ալեքսեյ Ռեզնիկովը հայտարարել է, որ Ուկրաինան պատրաստվում է պատերազմի «սովորական զորավարժությունների» պատրվակով, որոնք նման են պատերազմից առաջ ռուսական և բելառուսական զորավարժություններին։ Այս մասին նա ասել է The Economist-ին տված հարցազրույցում։
«Դա պատրվակ էր, որը մեզ թույլ տվեց գաղտնի դուրս բերել մեր զորամասերը իրենց մշտական տեղակայման վայրերից։ Երբ սկսվեցին հարվածները, մեր տղաները ոչ բոլորը միասին էին մեկ տեղում, այլ պատրաստ էին զենքով, զինամթերքով և ցրված ամբողջ երկրում»,- Ռեզնիկովի խոսքերն է մեջբերում NV-ն։
Նա նշել է, որ ուկրաինական իշխանությունները թաքցրել են հակաօդային պաշտպանության համակարգերը և գրոհային ինքնաթիռները՝ դրանք փոխարինելով մակետներով և ընդունել տարածքային պաշտպանության մասին նոր օրենք՝ երեք օրում մոտ 100 հազար խաղաղ բնակչի զինելու համար։
Ռեզնիկովը նաև հիշեցրել է նախագահ Վլադիմիր Զելենսկու՝ Կիևում մնալու որոշումը։
«Բոլորն ակնկալում էին, որ նախագահը կառաջադրվի և կձևավորի վտարանդի կառավարություն։ Բայց Զելենսկին ուներ իր սցենարը»,- ասել է Ռեզնիկովը։
