Ցանկանում ենք ավելի խորացնել մեր հարաբերությունները Եվրամիության հետ. ՀՀ ԱԳՆ
07/03/2024
Հայաստանը շարունակում է տարբեր ոլորտներում խորացնել հարաբերությունները ԵՄ-ի և եվրոպական երկրների հետ և շատ ինտենսիվ քաղաքական երկխոսության մեջ է։ Այս մասին թուրքական Անադոլու-ին տված հարցազրույցում ասել է ՀՀ արտաքին գործերի նախարար Արարատ Միրզոյանը՝ պատասխանելով ԵՄ-ի հետ Հայաստանի մերձեցման մասին հարցին:
Նա նշել է, որ Հայաստանը համագործակցում է Եվրոպայի հետ՝ ապահովելու իր տնտեսական կայունությունը և տնտեսական ռեսուրսների դիվերսիֆիկացումը։
«Մենք ցանկանում ենք ավելի խորացնել մեր հարաբերությունները Եվրամիության հետ», - ասել է Միրզոյանը:
