ԱՄՆ Պետդեպը հավանություն է տվել Թայվանին 1․1 մլրդ դոլարի սպառազինության մատակարարմանը
03/09/2022
ԱՄՆ Պետդեպարտամենտը համաձայնություն է տվել Թայվանին ավելի քան 1,1 միլիարդ դոլարի սպառազինության հնարավոր գործարքին, հայտնում է ԱՄՆ Պաշտպանական համագործակցության գործակալությունը:
Եթե այս գործարքը վերջնական հաստատվի, կներառի 85,6 մլն դոլար արժողությամբ 100 AIM-9X Block II Sidewinder օդ-օդ հրթիռների, 60 AGM-84K Harpoon Block II հականավային հրթիռների և 355 մլն դոլարի չափով այլ սարքավորումների մատակարարում։
Բացի այդ, Պետդեպարտամենտը «կանաչ լույս է տվել» ռադիոտեղորոշիչ կայանների 655,4 մլն դոլարի պայմանագրի երկարացմանը։