_1655055745.jpg "Հնարավոր է ռուս գործարարներն առանց այցագրի Իրան մտնեն")
Հնարավոր է ռուս գործարարներն առանց այցագրի Իրան մտնեն
Տնտեսական դիվանագիտության հարցերով Իրանի Իսլամական Հանրապետության արտաքին գործերի նախարարի տեղակալ Մեհդի Սաֆարին հայտարարել է, որ ռուս գործարարների համար երկիր մուտք գործելու նպատակով այցագրի ռեժիմը հնարավոր է չեղարկվի, հաղորդում է իրանական Mehr լրատվականը:
Հանդիպման ընթացքում, որի ընթացքում քննարկվել են ռուս-իրանական հարաբերությունները, Սաֆարին վերջիններս որակել է ռազմավարական`նշելով, որ վերջին ամիսներին դրանցում առաջընթաց է գրանցվել: Փոխարտգործնախարարը շեշտել է, որ Իրանի Իսլամական Հանրապետության եւ Ռուսաստանի Դաշնության միջեւ պատասխանատու ենթակառուցվածների համագործակցություն են պահանջում էներգետիկայի, առեւտրի եւ տարանցման ոլորտները:
Նա հավելել է, որ ռուս գորարարները հնարավոր է առանց այցագրի Իրան մուտք գործելու առավելություն ունենան, ինչը երկրում ներդրումներն ավելացնելու նպատակ ունի: Մեհդի Սաֆարին նաեւ նշել է, որ Ռուսաստանի կողմից առաջարկված ապրանքների արտահանման դեպքում Իրանի արտահանման ծավալը զգալիորեն կաճի:
