ԵՄ-ն պատրաստ է արձագանքել գազի մատակարարումը դադարեցնելու Ռուսաստանի որոշմանը. CNBC
Եվրամիությունը պատրաստ է արձագանքել բլոկին գազի մատակարարումը դադարեցնելու Ռուսաստանի որոշմանը, շաբաթ օրը CNBC-ին ասել է էկոնոմիկայի հարցերով ԵՄ հանձնակատար Պաոլո Ջենտիլոնին։
«Մենք ակնկալում ենք, որ Ռուսաստանը կհարգի ստորագրված պայմանագրերը, բայց նույնիսկ եթե էներգետիկ ոլորտի զինումը շարունակվի կամ ակտիվանա՝ մեր որոշումներին ի պատասխան, կարծում եմ, որ Եվրամիությունը պատրաստ է արձագանքել»,- ասել է Ջենտիլոնին։
«Իհարկե, մենք պետք է խնայենք էներգիան, պետք է կիսենք էներգիան, մենք պահեստավորման բարձր մակարդակ ունենք եւ չենք վախենում Պուտինի որոշումներից։ Մենք Պուտինին խնդրել ենք հարգել իրենց պայմանագրերը, բայց եթե նրանք չհարգեն իրենց պայմանագրերը, մենք պատրաստ ենք պատասխանել»,- հավելել է նա՝ չհստակեցնելով, թե կոնկրետ ինչ գործողությունների մասին է խոսքը։
Հիշեցնենք, որ ավելի վաղ ռուսական «Գազպրոմ»-ը հայտարարել էր «Հյուսիսային հոսք» գազատարի ամբողջական դադարեցման մասին։
Ընկերության տվյալներով՝ «Հյուսիսային հոսք»-ի միակ աշխատանքային տուրբինի սպասարկումն անսարքություններ է հայտնաբերել, եւ գազատարն առանց դրանք շտկելու չի աշխատի։
Միեւնույն ժամանակ, «Գազպրոմ»-ի խորհրդի նախագահ Ալեքսեյ Միլլերը նշել է, որ «Հյուսիսային հոսք»-ի տուրբինների գործարանային վերանորոգումն անհնար է պատժամիջոցների պատճառով։ Siemens-ը պարզապես տեղ չունի՝ այդ աշխատանքներն անցկացնելու համար»,- ասել է Միլլերը։
