«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Պատմության իմաստուն գիրքը վկայում է, որ մարդիկ ձգտում եմ իշխանության և հետո չեն ցանկանում այն թողնել հետևյալ հիմնական պատճառներով.

1. Մտածելով, որ իրենց իշխանության հասնելով ավելի ճիշտ քաղաքական և տնտեսական ուղու վրա կդնեն պետությանը՝ հնարավորություն ընձեռելով, որ մարդիկ բարեկեցիկ կյանքով ապրեն: Սա շատ հազվադեպ ձգտում է եղել անցյալում և է ներկայում:
2.  Առաջնորդվելով անձնական շահերով, որոնք սքողվել են համազգային շահերին հետամուտ ներկայանալու և քչերի համար թափանցիկ վարագույրով:
3. Առաջնորդվելով այլոց շահերով, որոնք իրենց օգնել են բարձրանալու իշխողի գահին:
4. Փառքի քաղցր բեռով, որը երբ իջնում է մարդու ուսերին, այլևս դժվար է դառնում նրանից ազատվելը:
5. Հարստանալու տենչով, որովհետև մարդիկ ցանկանում են ունենալ ոչ թե փող, այլ շատ փող, իսկ դրա համար իշխանավորի լծակները երբեմն անսահմանափակ են:
6. Կարող են պատժվել չարաշահումների համար, որոնք թույլ են տվել կառավարման շրջանում:
7. Շողոքորթության և քծնանքի ծովի մեջ իրենց հանճարեղ լինելու թյուր ըւմբռնումով տարվելով և նաև այն պատճառով, որ մարդիկ նրանց գործողությունների մեջ չտեսնելով տրամաբանություն՝ այն վկայում են հանճարին, իսկ հանճարներին ըմբռնելը հասարակ մահկանացուների խելքի բանը չէ:
8. Ձգտելով հեռու վանել իրենց չարածների համար հատուցման պահը: Աստված տա, որ մեր պարագայում միայն առաջնային լինի և մնա 1 – ին կետը և իշխողների համար և իշխանության ձգտողների: Եվ տա մեկ էլ, որ իրեն չհիշեն միայն իշխանության հասնելու և այն կորցնելու ընթացքում: Ահա սա է ամենակարևորը: Աստծուն մենք նույնականացնում ենք բնությանը և տիեզերական օրենքներին: Մարդու գրած ցանկացած օրենք հնարավոր է խախտել և անպատիժ մնալ, բայց այդ օրենքները խախտողներն, ի վերջո, հատուցելու են: Թող Աստված մեզ հեռու պահի նման հատուցումներից: Թող հատուցում ստանանք տիեզերական օրենքներից չշեղվելու համար, հատուցում, որը բոլորի երազանքն է:

Աշոտ Ներսիսյան, Պատմական գիտությունների դոկտոր, պրոֆեսոր «Զորավար Սեպուհ» պատմաքաղաքական վերլուծական կենտրոնի նախագահ