Սա մեր վերջին պատերազմն է լինելու․ գերճիգեր պետք է գործադրենք այն հաղթահարելու համար․ Արմեն Ճուղուրյան
Հաղթանակի համոզմունքով մենք պետք է գնանք առաջ։ Ուրիշ ճանապարհ չունենք, հետընթացը հանգեցնելու մեզ ազգաջնջման։ Պրոֆեսոր Աշոտ Ներսիսյանի «Պատմություն և քաղաքականություն» հաղորդման շրջանակներում իր տեսակետը հնչեցրեց տնտեսագիտության պրոֆեսոր Արմեն Ճուղուրյանը։
Նրա խոսքով՝ Ղարաբաղը հանձնելուց հետո հերթը Զանգեզուրին, Սյունիքին է հասնելու, պիտի հասկանանք, որ սա մեր վերջին պատերազմն է լինելու, գերճիգեր պետք է գործադրենք այն հաղթահարելու համար։ Տնտեսագետը մեր ռեսուրսներն էլ բավարար է համարում։
Ճուղուրյանը գտնում է, որ 30 տարիների ընթացքում իր տնտեսական ներուժով մեր սփյուռքը պատշաճ չներգրավվեց հայկական տնտեսության մեջ և այժմ պետք է կարողանանք սփյուռքի տնտեսական ռեսուրսները ներգրավվել։
«Բավական չէ միայն սփյուռքահայերի ծավալած քաղաքական պայքարն արտերկրում․ հայկական սփյուռքը պետք է նաև տնտեսապես լուրջ սատարի Հայաստանին այս օրերին»,- ասաց պրոֆեսոր Ճուղուրյանը։
Սփյուռքի տնտեսական օգնության մասին ավելի մանրամասն՝ տեսանյութում